PRRI nagdumala og CapDev alang sa mga mag-uuma sa goma sa Sitio Elian, Marilog District, Davao City
Malampuson nga gipahigayon sa Philippine Rubber Research Institute (PRRI) – Rubber Technology and Extension Services Division (RTESD) ang usa ka Capacity Development (CapDev) for Rubber Farmers on Improved Technology on Latex Harvesting alang sa mga kapin 20 ka mag-uuma sa goma nga sakop sa DARUARS niadtong September 1-2, 2025 sa Sitio Elian, Marilog District, Davao City.
Gidala kini pinaagi sa pakigtambayayong uban sa atong mga bag-ong completers sa Training of Trainers (TOT) on Improved Technology in Rubber Production gikan sa Region XI — sila Sir Dario Divino, Sir Arciel Flores, ug Sir Jeffrey Comiso — nga matinud-anong mitabang sa pagpalig-on sa kahibalo ug kahanas sa mga mag-uuma sa pag-atiman ug pagpalambo sa ilang tanom nga goma.
Si Ma’am Jessel F. Cabrines, Center Chief sa Davao Region Upland Agriculture Research Station (DARUARS), mao ang nagmugna ug nagpadala sa sulat-imbitar aron mamahimo ang maong kalihokan. Siya usab maoy mainiton nga midawat ug mipasalig sa suporta sa PRRI Training Team sa ilang lugar.
Sa pagtapos sa kalihokan, personal nga mitambong si Director Zabdiel Zacarias, RTD Research and Regulation (DA – Davao Region) nga naghatag ug mensahe sa pagpadasig sa mga mag-uuma sakop sa DARUARS ug pagdasig sa padayon nga panaghiusa sa sektor sa goma.
Ang maong CapDev nagpakita sa lig-on nga paningkamot sa PRRI pinaagi ni Executive Director Cheryl Eusala sa pagtabang sa mga komunidad nga mag-uuma pinaagi sa teknolohiya, panukiduki, ug praktikal nga pagtudlo aron mas mapaayo pa ang ilang produksiyon ug panginabuhian.
#GOMAgaangBuhay
