Sta. Maria, Leon B. Postigo, Zamboanga del Norte – Padayon ang paningkamot sa Philippine Rubber Research Institute (PRRI) pinaagi sa Crop Management Division (CMD) aron makatabang pagpa-lambo sa panginabuhi sa mga mag-uuma sa Leon B. Postigo. Niadtong Agosto 29, 2025, nagpahigayon og kalihokan sa Barangay Sta. Maria diin gipanghatag ang mga planting materials sa goma isip dugang tabang alang sa pagpasiugda sa mas lig-on ug malungtarong produksyon sa goma sa rehiyon.
Usa sa mga mag-uuma nga nakadawat og budded nga goma ang nagpahayag sa iyang dakong pasalamat sa PRRI.
“Usa kini ka dakong panalangin gikan sa PRRI,” matud pa niya. “Dili lang kini mahitungod sa mga tanom, apan mahitungod sa oportunidad nga makahatag alang sa among pamilya og makatukod og malungtarong panginabuhian.”
Ang pagpanghatag og planting materials sa goma usa ka inisyatibo sa PRRI-CMD aron pagtabang ang mga mag-uuma nga mapalambo ang ilang produksyon sa goma ug makab-ot ang mas maayong kaugmaon. Gilauman nga pinaagi niini, mouswag ang ekonomiya sa mga pamilya sa mga mag-uuma ug ang kinatibuk-ang komunidad sa Leon B. Postigo.
#TatakCMDPRRI #GOMAgaangbuhay #ParasaBagongPilipinas
