Ang Philippine Rubber Research Institute (PRRI) pinaagi sa Rubber Technology and Extension Division (RTESD) Training Team gipangulohan ni Engr. Evangeline Garcia, malampuson nga nagpasiugda sa Training of Trainers (TOT) on Improved Technology in Rubber Production nga natapos niadtong Agosto 29, 2025, sa ATI Training Center sulod sa campus sa University of Southern Mindanao, Kabacan. Kapin sa 40 ka Agricultural Extension Workers (AEWs) gikan sa Region X, XI ug XIII ang nakahuman sa maong pagbansay.
Ang 10 ka adlaw nga training (Agosto 18–29, 2025) nagtumong sa pagpalambo sa teknikal nga kahibalo ug kahanas sa rubber production pinaagi sa paggamit sa pinakabag-ong teknolohiya. Nakat-on ang mga partisipante sa epektibong pamaagi sa pagtanum ug pagdumala sa rubber, pag-ani sa latex, ug pagkontrol sa sakit ug peste, uban sa pagduso sa malungtaron nga mga praktis nga adunay benepisyo sa ekonomiya ug kalikupan.
Gilangkoban ang pagbansay sa mga lecture gikan sa mga eksperto ug praktikal nga mga aktibidad aron mas lig-on ang pagsabot sa mga konsepto. Gilauman nga ang mga partisipante magpahigayon ug pagpaambit sa ilang nakat-unan ngadto sa ubang stakeholders aron mapalapdan ang paggamit sa improved rubber production technologies, nga makatampo sa pagtubo ug pag-uswag sa industriya sa goma sa nasud, ilawom sa maalamon ug masigasig nga pagdumala ni Executive Director, Dr. Cheryl Eusala.
