Usa ka technical team gikan sa Philippine Rubber Research Institute (PRRI) pinaagi sa Genetic Resources and Improvement Division (GRID) mihimo og courtesy visit ug site validation sa mga research station sa Department of Agriculture–Regional Field Office XI (DA-RFO XI) niadtong Agosto 27–28, 2025.
Ang PRRI delegation gi-kompletohan nila Mr. Ariel O. Vilar, Senior Science Research Specialist; Mr. Jose M. Remollo III, Science Research Specialist I; ug Mr. Ronie M. Magdua, Science Research Analyst, ug ilang giadtuan ang Davao Regional Upland Agriculture Research Station (DARUARS) sa Marahan, Marilog District, Davao City aron masuta ang angay nga yuta, kahimtang sa pasilidad, accessibility, ug biosecurity considerations alang sa pagpatuman sa multi-location rubber clone trials.
Ang team gidawat sa DA-11 pinaagi ni Regional Executive Director Macario D. Gonzaga nga gi-representahan ni Jessel F. Cardines, DA-Davao Agricultural Center Chief III, nga mipakita sa ilang pagkahanda sa pakig-alayon pinaagi sa paghatag sa mga site nga gikinahanglan, subject sa pormal nga Letter of Intent ug Development Plan nga isumiter sa PRRI pinaagi ni Executive Director III Dr. Cheryl L. Eusala, nga moporma sa Memorandum of Agreement alang sa maong partnership.
